愛情研究院

愛情研究院

演唱：林強
作詞：卜光
作曲：卜光

*伊  講     昨  暝  規   暗     睏    袂   去，

   i kóng tsa-mî kui àm khùn buē khì

毋 是 有  啥      物     煩   惱 的 代  誌，

m̄ sī  ū siánn-mih huân-ló ê  tāi-tsì

哪   知   心     頭   憂   悶    阮  毋 知，

ná tsai sim-thâu iu-būn gún m̄  ti

敢    是  花     樣  的 年  華   心      空     虛。

kám sī hue-iūnn ê  nî hua sim khang-hi

想        欲  來    拍      開  彼    扇    門，

siūnn beh lâi phah khui hit sìnn mn̂g

大      膽     勇      敢     行        落   去，

tuā-tánn ióng-kám kiânn--lo̍h-khì

柳  暗   花     明  又 一   村，

liú àm hue bîng iū  it tshun

喜  怒  哀 樂    酸     甘     甜。

hí nōo ai lo̍k sng-kam-tinn

啊～ 世   間 的  男    男  女  女，

ah    sè-kan ê lâm-lâm-lú-lú

失    情      傷    悲，得 愛    歡    喜，

sit tsîng siong pi    tit ài huann-hí

**用     心  計   較，目    屎  嘛 是 愛 流，

 iōng-sim kè-kàu ba̍k-sái mā sī ài lâu

毋  知   到   底      啥      人     較  𠢕。

m̄ tsai tàu-tué siánn-lâng khah gâu

啊～ 世   間 的  男     男  女 女，

ah    sè-kan ê lâm-lâm-lú-lú

失    情      傷    悲，得 愛    歡    喜，

sit tsîng siong pi    tit ài huann-hí

一 旦   踏   入 愛    情   的  研    究  院，

it-tàn ta̍h-li̍p ài-tsîng ê gián-kiù īnn

就   會 永    遠   無    法    度      通      脫    離。

tio̍h ē íng-uán bô-huat-tōo thang thuat-lī

(REPEAT)

歡         迎     光     臨  愛   情      研    究  院。

huan-gîng kong-lîm ài-tsîng gián-kiù īnn