叫阮的名

叫阮的名

演唱：巫啟賢
作詞：何啟弘
作曲：巫啟賢

*啥人  咧   叫    阮  的 名，一   句 比  一  句     疼，

siáng teh kiò gún ê miâ  tsi̍t kù pí tsi̍t kù thiànn

親             像      咧     問    阮     敢  會    驚       寒，

tshin-tshiūnn teh mn̄g gún kám ē kiann kuânn

無  需   要   別      人  來     講， 阮    心   內  嘛   知     影，

bô su-iàu pa̍t-lâng lâi kóng gún sim-lāi mā tsai-iánn

是 你 的    聲，是 你 的  聲。

sī   lí  ê siann  sī  lí  ê siann

啥人    蹛 佇  阮  的    夢， 一   蹛    就    一  世   人，

siáng tuà tī gún ê bāng  tsi̍t tuà tio̍h tsi̍t-sì-lâng

上           驚   日     頭 會     將     咱     拆       散，

siōng kiann li̍t-thâu ē tsiong lán thiah-suànn

雖     然 離   開     遐    爾  遠，阮   猶    原   會 知     影，

sui-liân lī-khui hiah-nī hn̄g gún iu-guân ē tsai-iánn

是 你 的   影， 是 你 的  影。

sī   lí  ê iánn   sī   lí  ê iánn

**叫     阮  的 名，阮     用  一    生     斟      酌        聽，

  kiò gún ê miâ gún iōng it-sing tsim-tsiok thiann

當           初     細     漢    袂    赴   予  你 了    解，你 是  阮 的  性     命，

tong-tshoo suè-hàn buē-hù hōo lí liáu-kái    lí sī gún ê sìnn-miā

叫     阮  的 名， 阮  需   要 你 來   做        伴，

kiò gún ê miâ gún su-iàu lí  lâi tsuè phuānn

人     生  的 路    途     阮 愛 你    牽     阮     行。

lîn-sing ê lōo-tôo gún ài  lí khan gún kiânn

(REPEAT)